Орталық сайлау комиссиясы 21 шілдеде Құрылтай депутаттарының сайлауына қатысатын “Әділет” партиясының партиялық тізімін ресми түрде тіркеді.
Партия тізіміне барлығы 186 кандидат енген. Олардың қатарында заңгерлер, ғалымдар, кәсіпкерлер, сондай-ақ білім беру, денсаулық сақтау, цифрландыру, ауыл шаруашылығы, өнеркәсіп, мәдениет және қоғамдық сала өкілдері бар.
Кандидаттардың орташа жасы – 45 жас. Тізімде 114 ер адам мен 72 әйел бар.
Еске салайық, “Әділет” партиясы 2026 жылғы 1 маусымда ресми тіркелген. Ал 10 шілдеде өткен партияның кезектен тыс III съезінде 186 кандидаттан тұратын партиялық тізім мен сайлауалды бағдарламасы таныстырылды. Бұл – партияның Парламент сайлауына алғаш рет қатысуы.
Айта кетейік, Құрылтай депутаттарының сайлауы 2026 жылғы 23 тамызда өтеді.