Талдықорғандағы сотта бір топ адамның Шерзат Болат пен ағасы Нұрқанат Ғайыпбаевты пышақтап, ұрып-соққан сәті түсірілген видео көрсетілді. Сот процесі барысында прокурор Ержан Құрақбаев сотталушы Дархан Әскентайға сұрақ қойды:
«Әскентай, сіз Абзал мен Нұрболды ажыраттым деп жауап бердіңіз. Ал Шерзат пен анасы сол жерде не істеп жатты?»
Әскентайдың жауабы былай болды:
«Шерзаттың жанына бір бала жатты, ол ‘скорый, скорый’ деп айғайлады. Мен Нұрболдың күртесін көтеріп жатқан кезде оны көрдім. Шерзат ол кезде қозғалып жатқан еді. Мен жоғары көтеріліп бара жатқанда оны ешкім ұрмаған еді. Оның қасында тек бір бала болды.»
Мемлекеттік айыптаушы Шерзаттың жағдайын нақтылай түсу үшін сұрақ қойды:
«Шерзатты кім ұрды?»
Әскентай жауап берді:
«Мен білмеймін.»
Сонымен қатар, сотталушы Шерзаттың ағасы Нұрқанаттың мылтықпен атқаны туралы мәлімдеді. Ол «Мен мылтықтың атылғанын көрдім. Қай жақтан шыққанын білмеймін, қасымнан, екі метр жерден Нұрғанаттың мылтығы атылды.» деп айтты.
Бұған дейін, Дархан Әскентайдың дүкенге кірген сәті түсірілген видео көрсетілді. Сот отырысы кезінде судья журналистер мен блогерлерге ескерту жасап, сонымен қатар, Шерзат Болаттың қолында қандай зат болғаны туралы ақпарат көрсетілді. Сондай-ақ, Қаржаубай Нұрымовқа қатысты жаңа деректер айтылды.