Астанада өткен имамдар форумы аясында «Құдайы аста ысырапқа жол бермеу» құжаты қабылданды.
Құжат – құдайы аста қарапайымдылықты сақтау, шариғат пен ұлттық дәстүр үйлесімін нығайту, қоғамда байқалып отырған ысырап пен бәсекеге жол бермеудің жолын көрсетеді.
Құжат аясында имамдар қазақстандықтарды келесі бағыттарда белсенді болуға шақырды:
-
Отбасы құндылықтарын сақтау – дініміз бен дәстүрімізде ер мен әйелге жүктелген міндеттерді орындап, ұрпақ тәрбиесін жүйелі жолға қою;
-
Құдайы аста ысырапқа жол бермеу – ас беру кезінде қарапайымдылықты сақтап, дін мен дәстүрді үйлестіру;
-
Дәстүрлі исламды насихаттау – ұлттық және рухани бірліктің негізін нығайту жолында белсенді болу.
Сондай-ақ, форумда «Қазақ халқының дәстүрінде және Ислам дінінде отбасы құндылығы» тұғырнамасы қабылданды. Бұл құжат – Исламдағы отбасы институтының орнын айқындап, ата-ана мен ұрпақ арасындағы байланысты күшейтуді, иманды, тәрбиелі әрі білімді жас ұрпақ тәрбиелеуді мақсат тұтқан маңызды бағдарлама болып табылады.