Ғылым және жоғары білім министрлігі азаматтық алу талаптарын жеңілдетуді ұсынды. Атап айтқанда, қазақ тілі бойынша шекті балл төмендетіледі.
Жарияланған құжат жобасына сәйкес, Қазақстан азаматтығын алу немесе қалпына келтіру үшін үміткерлерге қойылатын тестілеу талаптары мынадай:
-
Қазақ тілі – кемінде 15 балл (бұрын 36 балл);
-
Қазақстан Республикасының Конституциясы негіздері – 20 балл (бұрын 9 балл);
-
Қазақстан тарихы – 15 балл (талап өзгермейді).
Министрлік түсіндіруінше, жаңа ереже әр пән бойынша сұрақтар санын теңестіріп, жалпы өту шегін 10%-ға төмендетуді көздейді.
«Жоба азаматтық алуға ниетті тұлғаларды тестілеу кезінде пәндер бойынша сұрақтар санының тең арақатынасын қамтамасыз етуге және өту шегін 10%-ға азайтуға мүмкіндік береді», – делінген министрліктің хабарламасында.
Жаңа талаптар азаматтық рәсімін оңайлатып, үміткерлерге қойылатын тілдік және құқықтық білім бойынша шектеулерді нақты әрі әділ етуге бағытталған.