Мәжіліс «ҚР Қылмыстық заңнамасын оңтайландыру мәселелері бойынша» заң жобасын толық мақұлдап, Сенатқа жолдады. Құжат Президент қол қойғаннан кейін 60 күн өткен соң күшіне енеді.
Негізгі жаңалықтар:
-
Дропперлер – заңсыз қаражатты қолма-қол ақшаға айналдыруға көмектесетін тұлғалар – енді қылмыстық жауапкершілікке тартылады.
-
Бұған дейін дропперлер тек куәгер немесе қылмысқа қатысы дәлелденсе ғана жауапқа тартылатын.
Қылмыстық кодекске жаңа баптар енгізіледі:
-
232-1-бап – өз шотын немесе төлем құралын үшінші тұлғаға заңсыз беру:
-
160 АЕК айыппұл немесе 50 тәулікке қамау
-
Егер пайда ірі болса – 15,7 млн теңгеге дейін айыппұл немесе 3 жылға дейін түрме
-
-
233-1-бап – үшінші тұлғаның пайдасына заңсыз төлемдер жасау:
-
7,8 млн теңгеге дейін айыппұл немесе 2 жылға дейін бас бостандығынан айыру
-
Ірі көлемдегі пайда болса – 5 жылға дейін түрме
-
-
«Дропповодтар» – шоттарды заңсыз басқарған тұлғалар:
-
3–7 жылға дейін бас бостандығынан айыру
-
Жеңілдік қарастырылған:
Егер адам алғаш рет құқық бұзса, өз еркімен хабар беріп, тергеуге көмектессе – жауапкершіліктен босатылады.
Қаржы мониторингі кеңейтіледі:
-
Енді ұялы байланыс операторлары да бақылауға алынады.
-
Себебі телефон баланстарынан ірі көлемде ақша аударуға болады.
-
Операторлар заңды бұзса – айыппұл немесе лицензиясынан айырылуы мүмкін.