Ұлытау облысында мемлекеттік қызметшілердің құмар ойындарға қатысқаны анықталып, олар қызметтен босатылды.
Өңірде жүргізілген тексеру барысында сыбайлас жемқорлыққа қарсы заңнама талаптарының бұзылғаны белгілі болды. Қолданыстағы заңға сәйкес, мемлекеттік қызметшілерге құмар ойындарға қатысуға тыйым салынған.
Талдау нәтижесінде 36 мемлекеттік қызметші, оның ішінде 10 басшының букмекерлік кеңселерде бәс тіккені анықталған. Прокурорлық қадағалау актісін қарау қорытындысы бойынша аталған қызметкерлер жұмыстан шығарылды.