Әлеуметтік желілерде елге танымал азамат Амантай қажы Асылбектің әйел адамды баспалдақтан итеріп жіберген сәті түсірілген бейнежазба тарады. Қоғамда резонанс тудырған бұл оқиғаға байланысты Алматы қаласының полициясы тергеу жұмыстарын бастап кетті.
«Қазіргі уақытта оқиғаның мән-жайын анықтауға бағытталған жедел-іздестіру және процессуалдық іс-шаралар кешені жүргізіліп жатыр. Қажетті сот-медициналық сараптамалар тағайындалды. Тергеу барысы Алматы қаласы полиция департаменті басшылығының жіті бақылауында», – делінген ресми хабарламада.