Атом энергиясы агенттігінің төрағасы Алмасадам Сәтқалиев Қазақстанда салынуы мүмкін атом электр станциясының (АЭС) қауіпсіздігіне кім жауапты болатынын түсіндірді.
Оның айтуынша, станцияны тек ұлттық органдар ғана емес, тәуелсіз халықаралық сарапшылар да тексеріп отырады. Қазақстан ядролық қауіпсіздік жөніндегі халықаралық конвенциялар шеңберіндегі міндеттемелерін орындайды және жобаға МАГАТЭ мамандарын тартуды жоспарлап отыр.
Агенттік мәліметінше, МАГАТЭ бақылау миссияларын ұйымдастыруға, техникалық қолдау көрсетуге және төтенше жағдайларға әрекет ету жүйесін бағалау мақсатында EPREV миссиясын жіберуге әзір.
Сәтқалиевтың айтуынша, мемлекет үшін басты басымдық – халықтың қауіпсіздігі мен қоршаған ортаны қорғау. АЭС-ті іске қосу кезең-кезеңмен жүзеге асады: жанармай тиеуден бастап толық қуатқа шығуға дейінгі әрбір қадам тек сынақтардан өтіп, реттеуші органның рұқсаты берілгеннен кейін ғана орындалады.