Қазақстан мұсылмандары діни басқармасы (ҚМДБ) Хэллоуин мерекесін атап өтудің ислам дініндегі үкімі туралы түсініктеме берді.
ҚМДБ мәліметінше, шариғат қағидалары бойынша мұндай мазмұндағы мерекелерді тойлауға тыйым салынған.
Басқарма өкілдері Хэллоуиннің мазмұны мен атрибуттары ислам құндылықтарына сай келмейтінін атап өтті және мұсылмандарды өзге діндер мен сенімдерге тән мерекелерден аулақ болуға шақырды.