Қарағанды облысының әкімі Ермағанбет Бөлекбаев Теміртауда қарияны ұрған балаларға қатысты оқиға жайлы пікір білдірді.
Бүгін әкімнің орынбасары Әлібек Әлденей Қарағанды облысы бойынша кәмелетке толмағандардың істері және олардың құқықтарын қорғау жөніндегі комиссияның отырысын өткізген.
Теміртау қаласы әкімінің әлеуметтік мәселелер жөніндегі орынбасарына кәмелетке толмағандарға тиісінше бақылау жасамағаны үшін қатаң сөгіс жариялауды тапсырдым. Сондай-ақ жасөспірімдер оқыған білім беру мекемелері директорларының орынбасарлары тәртіптік жауапкершілікке тартылды. Біз жасөспірімдер агрессиясына сөзсіз алаңдаймыз және болашақта осындай оқыс оқиғаларды азайту бойынша қосымша шаралар әзірлеуге кірісеміз. Барлық кінәлі қолданыстағы заңнама шеңберінде жауапкершілікке тартылады, — деді өңір басшысы.
Қазір бұл оқиға бойынша полиция тергеу жүргізіп жатыр.
Әкім ата-аналардан, педагогтерден балаларды тәрбиелеуге және олардың басқа адамдарға құрметпен қарауын, дұрыс құндылықтарды қалыптастыруға көбірек көңіл бөлуді сұрады.
Біз жасөспірімдерді әлеуметтік қолдау мен алдын алу шараларын күшейту жұмыстарын жалғастыра береміз, — деп жазды әкім.