Қазақстандықтардың тәуліктік уақыты қалай өтеді: ерлердің бос уақыты әйелдерден көбірек — ресми зерттеу
Қазақстанның Ұлттық статистика бюросы 2024 жылы «Халықтың уақыт бюджетін пайдалануы» атты модульдік зерттеу жүргізді. Сауалнамаға 10 жастан асқан 11 914 адам қатысып, зерттеу бір жыл бойы — қаңтардан желтоқсанға дейін жүргізілген. Бұл зерттеу әр алты жыл сайын өткізіледі.
Басты нәтижелер:
🔹 Жеке күтімге (ұйқы, тамақтану, гигиена) тәуліктің орта есеппен 13 сағаты немесе 54,2%-ы жұмсалады:
-
Ұйқыға – 9 сағат 26 минут
-
Тамақтануға – 1 сағат 57 минут
-
Гигиеналық күтімге – 1 сағат 27 минут
🔹 Жұмысқа – 2 сағат 56 минут (12,2%)
🔹 Үй шаруашылығына – 3 сағат 14 минут (13,5%)
🔹 Оқуға – 28 минут (2%)
🔹 Жеке тұтынуға арналған өнім өндіруге – 12 минут (0,8%)
🔹 Бос уақытқа – 4 сағат 9 минут (17,3%)
Гендерлік айырмашылықтар:
-
Ер адамдар күнделікті жұмысқа орта есеппен 5 сағат 13 минут,
әйелдер – 4 сағат 18 минут жұмсайды. -
Әйелдер үй шаруасына – 4 сағат 5 минут,
ал ерлер – 1 сағат 51 минут бөледі. -
Соның нәтижесінде, ерлердің бос уақыты – 4 сағат 4 минут,
әйелдерде – 2 сағат 56 минут.
Жұмыс істейтіндер арасында:
-
Ер адамдар жұмысқа күніне – 9 сағат 7 минут,
әйелдер – 7 сағат 57 минут жұмсайды. -
Бос уақыт ерлерде – 2 сағат 31 минут,
әйелдерде – 1 сағат 50 минут.
Зерттеу нәтижелері Ұлттық статистика бюросының ресми сайтындағы «Тұрмыс деңгейі статистикасы» бөлімінде жарияланған.