Түркістан облысында жаңа туған сәбидің өлі табылуына байланысты қылмыстық іс қозғалды.
Құқық қорғау органдарының мәліметінше, нәрестенің анасын анықтау және іздестіру жұмыстары басталды.
«Полиция қызметкерлері үй-үйді аралап, бейнебақылау камераларындағы жазбаларды зерделеп жатыр. Сондай-ақ жақын маңдағы тұрғындар мен мүмкін куәгерлерден түсініктеме алынуда, медициналық мекемелер тексерілуде», – делінген ресми хабарламада.
Полиция өкілдері қазір тергеу жүріп жатқанын, барлық мән-жай анықталғаннан кейін процессуалдық шешім қабылданатынын атап өтті.
Тергеу мүддесіне байланысты өзге ақпарат жарияланбайды.