Президент Қасым-Жомарт Тоқаев Ресей Федерациясының Қазақстандағы Елшісі Алексей Бородавкинді қабылдады.
Мемлекет басшысы екі елдің бірлескен күш-жігерінің нәтижесінде Қазақстан мен Ресей арасындағы көпқырлы ынтымақтастық барлық бағыт бойынша дамып келе жатқанын, сондай-ақ саяси диалогтың бұрын-соңды болмаған серпін алғанын атап өтті.
Қасым-Жомарт Тоқаев өзінің жуырда Ресейге жасаған мемлекеттік сапары мен Владимир Путинмен өткен келіссөздердің табысты болғанына ерекше тоқталды. Президенттің айтуынша, бұл сапардың нәтижелері Қазақстан мен Ресей арасындағы жан-жақты стратегиялық серіктестік пен одақтастық қатынастарды одан әрі нығайтуға елеулі ықпал етті.