ҚР Қаржы министрлігі «Google салығы» енгізілгелі бері шетелдік интернет компаниялар Қазақстанға қанша салық төлегенін айтты.
Шетелдік интернет-компанияларға (Google салығы) салық салудың жаңа қағидалары 2022 жылдан бастап қолданысқа енгізілді.
«Қазір Қазақстанда 101 шетелдік компания тіркелген, оның ішінде Huawei, Aliexpress, Google, Apple, Netflix және басқа да халықаралық құрылымдар бар. 3 жылдың ішінде бұл компаниялар 75 млрд теңгеге салық төледі. Былтырғы сома — 35 млрд теңге».Қаржы министрлігінің баспасөз қызметі
2024 жылдың соңында Temu, Pinduoduo және Alibaba компаниялар тобы шартты тіркеуден өтті.
Естеріңізге сала кетейік, салықтың мұндай түрі ҚР жеке тұлғаларына электронды сауда арқылы тауарлар ұсынатын және электронды түрде қызмет көрсететін шетелдік компанияларға қолданылады.
Дереккөз: Zakon.kz