БҰҰ Бас Ассамблеясының 80-сессиясы аясында Қазақстан Президенті Қасым-Жомарт Тоқаев пен Украина Президенті Владимир Зеленский екіжақты кездесу өткізді. Кездесу барысында екі елдің басшылары экономикалық және гуманитарлық ынтымақтастықты талқылады.
Қазақстан мен Украина арасындағы қарым-қатынасты нығайту маңызды тақырыптардың бірі болды. Владимир Зеленский Украинадағы қазіргі жағдайға қатысты өз ойымен бөлісті. Осыған байланысты Қасым-Жомарт Тоқаев дипломатиялық диалогты жалғастырудың маңыздылығын атап, жанжалды тоқтату үшін тиімді шешімдер іздеудің қажет екенін айтты.
Кездесу туралы өз пікірін Владимир Зеленский әлеуметтік желіде де білдірді. Ол:
«Мен Қазақстан Президенті Қасым-Жомарт Тоқаевпен кездестім. Қазіргі басты мақсат – сенімді қауіпсіздік кепілі бар әділ және тұрақты бейбітшілікке қол жеткізу», – деп жазды.
Бұл кездесу екі елдің халықаралық аренадағы ынтымақтастығын одан әрі дамытуға және аумақтағы тұрақтылықты қамтамасыз етуге бағытталған маңызды қадам ретінде қарастырылады.