Саттар Имашевтің 100 жылдығына орай көше атауын беру ұсынылды
Мәжіліс депутаты Дүйсенбай Тұрғанов мемлекет және қоғам қайраткері Саттар Имашевтің 100 жылдығына арналған конференцияда оның ел алдындағы еңбегін атап өтіп, бірқатар ұсыныс жасады.
Депутат Астана мен Алматыдағы көшелердің біріне Саттар Имашевтің есімін беруді, Ақтөбе облысында қайраткерді ұлықтау шараларын өткізуді, үш университет студенттеріне арнайы шәкіртақы тағайындауды және Алматыдағы тұрған үйіне ескерткіш тақта орнатуды ұсынды.
Саттар Имашев – Қазақ КСР Жоғарғы Кеңесі Президиумының төрағасы, ел дамуына зор үлес қосқан тұлға. Конференцияда оның саяси мұрасы мен тәуелсіз Қазақстан үшін маңызы кеңінен талқыланды.