Президент Қасым-Жомарт Тоқаев Ұлттық қорды басқару жөніндегі кеңестің төрағасы болып табылады. Бұл кеңесті құру туралы тапсырманы Мемлекет басшысы өзі берген болатын.
Кеңес құрамына кіретіндер:
Қазақстан Республикасының Президенті (төраға);
Премьер-министр;
Сенат төрағасы;
Мәжіліс төрағасы;
Президент Әкімшілігінің басшысы;
Ұлттық банк төрағасы;
Премьер-министрдің бірінші орынбасары;
Жоғары есеп палатасының төрағасы;
Қаржы министрі;
Ұлттық экономика министрі.
Кеңестің негізгі міндеттері:
Кеңес Ұлттық қордың қаражатын пайдалану және Бірыңғай жинақтаушы зейнетақы қорының (БЖЗҚ) зейнетақы активтерін басқару мәселелері бойынша Президентке кеңес беру және ұсынымдар әзірлеу жұмыстарымен айналысады. Кеңес өз жұмысын Бюджет кодексінің 63-бабына сәйкес жүзеге асырады.
Кеңес келесі бағыттар бойынша жұмыс істейді:
1. Қор қаражатын қалыптастыру мен тиімді пайдалану бойынша ұсыныстар әзірлейді;
2. Республикалық бюджетке берілетін кепілдендірілген трансферттің көлемін айқындайды және ұсыныстар әзірлейді;
3. Баламалы қаржыландыру көздері болмаған жағдайда аса маңызды жобалар үшін нысаналы трансферттер бөлуге қатысты ұсыныстар жасайды.
4. Жобалар сараптамасына сүйене отырып, ұлттық әл-ауқат қорының бағалы қағаздарын сатып алу арқылы ірі жобаларды қаржыландыруды ұсынады;
5. Қорға орналастыруға рұқсат етілген қаржы құралдарының және мәмілелердің тізбесін ұсынады.
6. БЖЗҚ активтерін тиімді басқару бойынша ұсыныстар әзірлейді;
7. БЖЗҚ активтерін инвестициялау бағыттарын қарайды;
8. БЖЗҚ арқылы сатып алуға рұқсат етілген қаржы құралдарының тізбесін анықтауға ұсыныстар береді;
9. БЖЗҚ қызметі туралы жылдық есепті қарайды.
Президент Тоқаев кеңес төрағасы ретінде:
Кеңестің жұмысына жалпы басшылық жасайды;
Кеңес отырыстарының өткізілу уақытын және орнын белгілейді;
Кеңес отырыстарына төрағалық етеді. Ол болмаған жағдайда, бұл міндетті басқа мүшеге жүктей алады;
Кеңес мүшелеріне орындауға міндетті нұсқаулар береді.
Кеңес мүшелері:
Жұмыс жоспары мен күн тәртібіне ұсыныстар енгізеді;
Материалдар мен шешім жобаларын дайындауға қатысады;
Кеңес талқылауларына қатысып, ұсыныстарын білдіреді.