Ұлытау облысында қайғылы оқиға орын алды: әйел мен оның кәмелетке толмаған қызы өз пәтерінен өлі күйінде табылды. Полицияның мәліметінше, 1966 жылы туған әйел жеті пышақ жарақатын алған. Ал марқұмның қызы – Астанадағы халықаралық колледждің 2-курс студенті – зорлық-зомбылық белгілерімен, мойнына сым оралған күйде табылған.
Аталған факті бойынша қылмыстық іс қозғалып, жедел-іздестіру шаралары жүргізілді. Нәтижесінде күдікті ұсталып, жауап алу барысында өз кінәсін мойындаған. Қазіргі уақытта ол уақытша ұстау изоляторына қамалды.
— Оқиғаның барлық мән-жайы анықталуда. Тергеу облыстық полиция департаменті басшылығының ерекше бақылауында, — деді Ұлытау облыстық ПД бастығының орынбасары Алмаз Саламатов.