Мәжіліс архив ісі және құқыққа қарсы контенттің таралуын шектеу мәселелері бойынша өзгерістер мен толықтырулар енгізілген заңды екінші оқылымда қабылдады.
Құжат архив ісі саласындағы заңнаманы жетілдіру және мемлекеттік архивтердің қызметінің тиімділігін арттыруға бағытталған.
Мемлекеттік архивтердің мәртебесін көтеруге арналған бірқатар шаралар қабылданды.
Заңнамалық үйлесімділікті қамтамасыз ету үшін редакциялық түзетулер енгізілді, олар қабылданған түзетулерді «Цифрландыру саласындағы кейбір заңнамалық актілерге өзгерістер мен толықтырулар енгізу туралы», «Бұқаралық ақпарат құралдары туралы» және «Онлайн-платформалар мен онлайн-жарнама туралы» заңдармен синхрондастырады.
Жеке блок ретінде балаларды олардың денсаулығы мен дамуына зиян келтіретін контенттен қорғау шаралары бекітілді. Қоғамдық кеңістікте, сондай-ақ БАҚ, телекоммуникациялық желілер және онлайн-платформалар арқылы педофилия мен (немесе) дәстүрлі емес сексуалдық бағдар насихатын қамтитын ақпаратты таратуға тыйым салынады.