Алматыда Наурыз мейрамына дайындыққа және мерекелік іс-шараларды өткізуге байланысты бірнеше көшеде көлік қозғалысына уақытша шектеу енгізіледі.
«2026 жылғы 16 наурыз сағат 03:00-ден бастап 23 наурыз сағат 00:00-ге дейін Төле би көшесінің Назарбаев даңғылынан Абылай хан көшесіне дейінгі бөлігі автокөлік қозғалысы үшін уақытша жабылады», – деп хабарлады қала әкімдігі.
Мегаполис әкімдігі жүргізушілерден қозғалыс бағытын алдын ала жоспарлап, уақытша енгізілген шектеулерді ескеруді сұрайды.
Сонымен қатар, Наурыз мейрамына орай қосымша электр пойыздар қатынайтыны хабарланды.
Естеріңізге сала кетейік, бұған дейін біз Наурыз айында қазақстандықтар қанша күн демалатынын жазған болатынбыз.