Қытайдың Inner Mongolia Wanjiang Invest компаниясы Абай облысында екі ірі инвестициялық жобаны жүзеге асыруды жоспарлап отыр.
Жоба аясында жылына 300 мың тонна алюминий өнімін өндіретін зауыт және жалпы қуаты 1 гигаватт болатын жел электр станциялары салынады.
Сондай-ақ Қытайдың SuperX AI Technology Limited компаниясы Қазақстанда жасанды интеллектке арналған заманауи деректер орталықтарының кластерін құруға қызығушылық білдірді. Компания 2026–2029 жылдары кезең-кезеңімен қуаты 1 ГВт-қа дейін жететін AI Data Center жобасын іске асыруды көздеп отыр.
Еске салайық, бұған дейін Қытайдың ірі автоконцерндерінің бірі Қазақстанда автокөлік құрастыру өндірісін іске қосуды жоспарлап отырғаны хабарланған болатын.