2026 жылдың 1 қаңтарынан бастап қазақстандықтар үшін бірқатар ресми құжаттарды рәсімдеу құны өседі. Бұған айлық есептік көрсеткіштің (АЕК) 3 932 теңгеден 4 325 теңгеге дейін ұлғаюы себеп болды. АЕК мөлшері 2026–2028 жылдарға арналған мемлекеттік бюджетте бекітілген.
АЕК өсіміне байланысты келесі жылы мемлекеттік баж да қайта есептеледі.
Құжаттарды рәсімдеу құны
-
16 жасқа дейінгі балаларға арналған 24 беттік паспорт – 17 300 теңге (4 АЕК).
2025 жылы – 15 728 теңге. -
36 беттік стандартты паспорт – 34 600 теңге (8 АЕК).
2025 жылы – 31 456 теңге. -
48 беттік паспорт – 51 900 теңге (12 АЕК).
Биыл – 47 184 теңге. -
Жеке куәлік – 865 теңге (0,2 АЕК).
2025 жылы – 786 теңге. -
Жеке куәлігін бір жылда екі реттен жиі жоғалтқандар – 1 АЕК (4 325 теңге).
-
Жүргізуші куәлігі – 5 406 теңге (1,25 АЕК).
-
Неке қию куәлігі – 1 АЕК (4 325 теңге).
-
Ажырасу туралы өтініш беру – 8 650 теңге (2 АЕК).
Бұл 2025 жылғы мөлшерлемеден (7 864 теңге) жоғары және некені тіркеуден екі есе қымбат. -
Туу туралы куәлік бұрынғыдай тегін беріледі.
Құжат жоғалған немесе қайта рәсімдеу қажет болған жағдайда – 0,5 АЕК (2 163 теңге).
Мемлекеттік баждан босатылатын азаматтар
Кейбір санаттағы азаматтар құжаттарды тегін рәсімдей алады. Оларға мыналар жатады:
-
ел батырлары және жоғары мемлекеттік награда иегерлері;
-
көпбалалы аналардың құрметті атақ иелері;
-
соғыс ардагерлері мен жауынгерлік әрекеттерге қатысушылар;
-
мүмкіндігі шектеулі жандар және мүгедектігі бар баланың ата-аналары;
-
әлеуметтік мекемелерде тұратын қарттар;
-
жетім балалар және толық мемлекеттік қамқорлықтағы балалар;
-
Чернобыль апаты салдарынан зардап шеккендер.