- 2025 жылғы 1 шілдеден бастап Алматы қаласында мектепке дейінгі ұйымдарды ваучерлік қаржыландыру жүйесі іске қосылады. Бұл жүйе Қазақстан Республикасы Оқу-ағарту министрлігінің 2024 жылғы 30 желтоқсандағы №372 бұйрығымен бекітілген өңірлердің Пилоттық жобаға көшу кестесіне сәйкес енгізілуде.
Жаңашылдықтың мақсаты
-
Мектепке дейінгі білімнің қолжетімділігі мен сапасын арттыру;
-
Ата-аналарға балабақша таңдау еркіндігін беру;
-
Бәсекелестікті күшейту;
-
Жекеменшік сектордың дамуына жол ашу.
Ваучерлік жүйенің артықшылықтары
Жаңа жүйе арқылы ата-аналар мемлекеттік те, жекеменшік те балабақшалардың қызметтеріне төлем жүргізе алады. Ваучер бала балабақшаға нақты барған жағдайда ғана қаржыландыру көзіне айналады.
2025 жылғы 1 шілдеден бастап ата-аналар https://balabaqsha.snation.kz/ электронды порталы арқылы ваучер алу үшін өтініш бере алады.
Бағдарламаға қатысатын ұйымдар:
-
196 – мемлекеттік балабақша;
-
792 – жекеменшік балабақша.
Ұйымды таңдау бос орындардың болуына қарай жүзеге асырылады.
Бағдарлама қалай жұмыс істейді?
-
Ата-аналар https://balabaqsha.snation.kz/ порталы арқылы ваучер алу үшін өтініш береді;
-
Ваучер баланың балабақшада болу құнының бір бөлігін жабады;
-
Қаржыландыру бала нақты балабақшаға барған жағдайда ғана балабақшаға аударылады;
-
Бағдарламаға қатысатын жекеменшік балабақшалар белгіленген сапа стандарттарына сай болуы керек.
Бағдарламаға қатысу үшін ресми порталға https://balabaqsha.snation.kz/ кіріп, ваучер алу үшін өтініш беру қажет.