Алматыдағы медициналық мекемеден екі науқастың шығып кеткені туралы ақпарат әлеуметтік желіде тарады. Бұл туралы Алматы облысының еріктілері хабарлаған. Ақпаратты Алматы қаласы полиция департаменті растады.
Полицияның мәліметінше, бұл — бір-біріне қатысы жоқ екі бөлек жағдай. Ер адам мен әйел медициналық мекемеден әртүрлі күндері шыққан.
Қазір полиция екі факті бойынша іздестіру жұмыстарын жүргізіп жатыр. Құқық қорғау органдары азаматтардың жүрген жерін анықтап, оларды медициналық мекемеге қайтару үшін жедел-іздестіру шараларын қолға алған.