«Шын-Ар» ақпараттық порталы
Басты ақпаратСаясат

Тоқаев ІІМ басшысы Ержан Сәденовке сөгіс жариялады

Мемлекет басшысы Қасым-Жомарт Тоқаев Ішкі істер министрі Ержан Сәденовке құқық қорғау органдарының жұмысындағы кемшіліктерге байланысты тәртіптік жаза қолданды. Бұл туралы Президенттің баспасөз хатшысы Айбек Смадияров Ермек Сағымбаевтың ҰҚК төрағасы қызметінен босатылуына қатысты түсініктеме берген кезде мәлімдеді.

Мемлекет басшысы сол күні Ішкі істер министрлігінің басшылығы және жеке құрамымен жұмыс кеңесін өткізген. Жиында полиция қызметкерлерінің қызметтік тәртібін нығайту, қоғамдық қауіпсіздікті қамтамасыз ету және кәсіби даярлық деңгейін арттыру мәселелері қаралды. Президент құқық қорғау органдарына «Заң және тәртіп» қағидатына сәйкес жұмыс істеуді тапсырды.

Айбек Смадияровтың айтуынша, Мемлекет басшысы күштік құрылымдар қызметінде бірқатар олқылықтарға жол берілгенін сынға алған. Осыған байланысты Ішкі істер министрі Ержан Сәденовке қызметтік ескерту жарияланды.

Президенттің баспасөз хатшысы Ермек Сағымбаевтың Ұлттық қауіпсіздік комитеті төрағасы қызметінен басқа жұмысқа ауысуына байланысты босатылғанын хабарлады. Сонымен қатар арнаулы қызметті реформалау мақсатында басшылық құрамды ротациялау қажеттігі ескерілген.

Айбек Смадияровтың мәліметінше, Қасым-Жомарт Тоқаев Ермек Сағымбаевты қызметінен босату туралы шешім қабылдағанда сыбайлас жемқорлыққа қатысы бар лауазымды тұлғаларды ұстау жағдайын да назарға алған.

Баспасөз хатшысы тергеу барысында анықталған деректер «Самұрық-Қазына» қоры мен «Қазақстан темір жолы» басшыларына қатысты істің сыбайлас жемқорлық сипатын растағанын айтты. Оның сөзінше, Президент тергеу басталған кезден бастап істің мән-жайынан хабардар болған. Мемлекет басшысының жемқорлықпен күрес жөніндегі ұстанымы өзгеріссіз қалады.

Ұқсас жаңалықтар

Азаматтық алу жеңілдейді: Қазақ тілінен талап төмендетілмек

Redaktor Shyn-Ar

Тоқаев әлеуметтік қорғау және зейнетақы жүйесін жетілдіру бойынша тапсырма берді

Қазақстанда туды өртеу оқиғасынан кейін 12 адам қамауға алынды

Redaktor Shyn-Ar