БЖЗҚ-дағы зейнетақы және нысаналы жинақтар – шот иесінің меншігі және заң бойынша мұраға беріледі.
Егер салымшы қайтыс болса, оның отбасы мүшелері жерлеуге арналған біржолғы төлемді ала алады. Бұл төлемнің мөлшері – 94 АЕК шегінде, бірақ шоттағы қаражаттан аспауы тиіс. Егер төлемнен кейін шоттағы қалдық ең төменгі зейнетақы мөлшерінен аспаса, ол да жерлеуге арналған төлеммен бірге беріледі.
Жерлеуге арналған төлемнен қалған жинақтар заңнамаға сәйкес мұрагерлерге беріледі.
Мұрагерлік рәсімі:
-
Мұрагер қайтыс болған күннен бастап 6 ай ішінде нотариусқа өтініш беріп, мұрагерлік құқық туралы куәлік алуы тиіс.
-
Осы құжатпен БЖЗҚ бөлімшесіне барып немесе пошта, сенімхат арқылы өтініш беруге болады.
-
Қажетті құжаттар: жеке куәлік, мұрагерлік куәлік, қайтыс болу туралы куәлік, банк шотының нөмірі және басқа қажетті аудармалар (егер құжаттар шетелден болса – нотариалды куәландырылған аудармалар қажет).
Төлем мерзімі: Құжаттар тапсырылғаннан кейін, төлемдер заңда белгіленген мерзімде жүзеге асырылады.
Толық ақпарат пен құжаттар тізімі БЖЗҚ сайтында және YouTube арнасында қолжетімді: www.enpf.kz