Талғарда Хасан Қасымбаевқа қатысты қылмыстық іс бойынша сот өтіп жатыр. Айыпталушының жұбайы Зульфия журналистердің сот залынан шығарылуына қатысты өз пікірін айтты. Оның айтуынша, олар соттың ашық өтуін талап етті.
«Маған түсініксіз жағдай: судья отырыс басталар алдында журналистерден камераларымен бірге сот залынан шығуды сұрады. Олар шығып кетті. Ал біз соттың ашық өтуін, баспасөздің қатысуын және халықтың не болып жатқанын білуін қаладық. Бұл жағдай бізді таң қалдырды. Күйеуімнің еш кінәсі жоқ. Ақтау үкімін күтемін», – деді Зульфия.