Алматыда бір түнде қар жауып, сағат 18:00-ден таңғы 06:00-ге дейін 17 жол апаты тіркелді. Полицейлердің мәліметінше, қаза тапқандар жоқ, бірақ 6 адам жарақат алған.
Полиция жол апаттарының көбін жүргізушілердің жылдамдықты шектемеуі мен қауіпсіз қашықтықты сақтамауы салдарынан болғанын атап өтті.
«Барлық жүргізушілерге сақ болуды, жылдамдықты азайтуды және кенет маневрлерден аулақ болуды ұсынамыз», – деді Алматы қаласы ПД Қоғамдық қауіпсіздік басқармасы бастығының орынбасары Тимур Ноғайбаев.
Сондай-ақ тәртіп сақшылары көлікті қысқы маусымға алдын ала дайындау, жазғы дөңгелектерді қысқыға ауыстыру маңызды екенін еске салды.
Жаяу жүргіншілерге де жолдан өтерде абай болуды, жарық шағылыстырғыш элементтерді пайдалануды және жолды рұқсат етілмеген жерден кесіп өтпеуді ескертті.