Бала көшеде бейәдеп сөз айтса – ата-анасы жауап береді: ІІМ түсіндірмесі
Қазақстан Республикасының Ішкі істер министрлігі балалардың қоғамдық тәртіпті бұзуына қатысты заңнама нормаларын түсіндірді. Бейәдеп сөз айту ҚР Әкімшілік құқық бұзушылық туралы кодексінің 434-бабы бойынша ұсақ бұзақылық болып саналады.
Егер бала боқтап, бейәдеп сөз айтса немесе бұзақылық жасаса, жауапкершілік оның жасына қарай ата-анасына немесе өзіне жүктеледі:
Жауапкершілік жасы мен айыппұл мөлшері:
-
12 жасқа дейін – бала әкімшілік жауапқа тартылмайды. Толық жауапкершілік ата-анасында.
Айыппұл мөлшері: 10–15 АЕК (шамамен 39 320 – 58 980 теңге)
ҚР ӘҚБтК 127-бабы -
14–16 жас аралығында – бала жауапқа тартылады, бірақ айыппұл ата-анасына салынады.
Айыппұл мөлшері: 7 АЕК (шамамен 27 524 теңге)
ҚР ӘҚБтК 435-бабы -
16–18 жас аралығында – айыппұл жасөспірімнің өзіне салынады. Алайда, егер оның табысы болмаса, ата-анасы төлейді.
Айыппұл мөлшері: 10 АЕК-ке дейін (шамамен 39 320 теңге)
ҚР ӘҚБтК 66-бабы
Кінәні дәлелдеу үшін қажетті материалдар:
-
куәгерлердің жазбаша арыз-шағымы;
-
бейне немесе аудиожазба;
-
интернетте жарияланған немесе жазбаша түрде орын алған қорлау фактісіне қатысты сараптама қорытындысы.