«Қазақстан темір жолы» ұлттық компаниясы» АҚ басқарма төрағасының орны әзірге бос тұр. Қазіргі таңда бұл міндетті уақытша Ерлан Қойшыбаев атқаруда.
Агенттік дереккөзінің хабарлауынша, Қойшыбаевтың уақытша басшылыққа келуі – ішкі тәртіпке сай жүзеге асқан. «Бұл – штаттағы қалыпты тәртіп. Мысалы, басқарма төрағасы демалысқа шыққан жағдайда да оның орнына уақытша міндетін Ерлан Қойшыбаев атқаратын еді», – делінген хабарламада.
Айта кетейік, Ерлан Қойшыбаев – Шығыс Қазақстан облысының бұрынғы әкімі Даниал Ахметовтің күйеу баласы.
Еске салсақ, ҚТЖ-ны бұған дейін қазіргі Көлік министрі Нұрлан Сауранбаев басқарған болатын.