Қазақстанда 2024 оқу жылы аяқталуға жақын. Оқу-ағарту министрлігінің мәліметінше, бұл жылы 3,9 миллионнан астам оқушы оқу жылын қорытындылайды, оның ішінде 217 мыңнан астамы – мектеп бітіруші түлектер.
Оқу жылы дәстүрлі түрде 34 аптаға созылып, мамырдың соңына қарай аяқталады. Министрлік биыл соңғы қоңырау күніне қатысты өзгеріс болатынын мәлімдеді.
«Оқу жылының ресми аяқталу күні жексенбіге (26 мамыр) түсіп отырғандықтан, 11-сынып оқушылары үшін соңғы қоңырау салтанаты 23 немесе 24 мамырда өтеді. Бұл күн нақты шешімді әр мектептің әкімшілігі қабылдайды,» – деді министрлік өкілі.