Қазақстандықтар жайлы өмір сүру үшін қанша ақша қажет екенін айтты
Қазақстандықтар кедейліктен шығу және жайлы өмір сүру үшін қанша табыс қажет екенін айтты. Бұл туралы Ұлттық статистика бюросының сауалнамасы негізінде мәлімет жарияланды.
Сауалнамаға қатысқандардың басым бөлігі бір адамға айына 260–320 мың теңге көлеміндегі табыс кедейліктен шығуға жеткілікті деп есептейді.
Ал кейбір респонденттер жайлы өмір сүру үшін айына кемінде 400 мың теңге қажет екенін айтқан. Басқаларына 150 мың теңге көлеміндегі табыс жеткілікті.
Сонымен қатар сауалнамаға қатысқандардың шамамен 38%-ы өздерінің қазіргі қаржылық жағдайына толық қанағаттанатынын білдірген. Ал 60%-ға жуығы табысын арттырғысы келетінін айтқан.