Мемлекет басшысы бокстан Әлем чемпионатында топ жарып, жоғары нәтижеге қол жеткізген боксшыларды құттықтады, деп хабарлайды Ақорда.
«Ливерпульде өткен бокстан Әлем чемпионатында ұлттық құраманың жеңісін Алуа Балқыбекова, Аида Әбікеева, Төрехан Сабырхан, Наталья Богданова және Айбек Оралбай жалғастырды.
Қазақ боксшылары әлем біріншілігінде тамаша нәтиже көрсетті.
Алайда алда АҚШ-та өтетін Олимпиада ойындары бар. Сондықтан Олимпиадаға дайындықты қазірден бастау қажет.
Қазақ бокс мектебінің абыройы әрқашан биік болсын!» – деп жазды Президент Instagram парақшасында.