Қазақстан Президенті Қасым-Жомарт Тоқаев ең төменгі жалақы мөлшерін 85 мың теңгеден 110 мың теңгеге дейін көтеруді тапсырды.
«Біз жалақының ең төменгі мөлшерін кезең-кезеңімен көбейте береміз. Мен Үкіметке ең төменгі жалақы мөлшерін 85 мыңнан 110 мың теңгеге дейін көтеруді тапсырамын», – деді Мемлекет басшысы 28 қазандағы Қазақстан халқына Жолдауында.
Президенттің айтуынша, жаңа мөлшерді 2027 жылғы 1 қаңтардан бастап енгізу көзделіп отыр. Бұл өзгеріс 1,8 миллион азаматтың, оның ішінде бюджет есебінен жалақы алатын 370 мыңнан астам қызметкердің табысын арттыруға мүмкіндік береді.