Президент Қасым-Жомарт Тоқаев Президент әкімшілігіндегі кадрлық өзгерістер туралы жарлыққа қол қойды. Ақорда бұл өзгерістерге қатысты ресми мәлімдеме жасады.
Жарлыққа сәйкес, Ерболат Асқарбекұлы Досаев Қазақстан Республикасы Президенті Әкімшілігі Басшысының орынбасары қызметінен босатылды.
Ерболат Досаев еңбек жолын 1998 жылы Қазақстан Премьер-Министрінің кеңесшісі ретінде бастап, кейін Энергетика, индустрия және сауда вице-министрі қызметін атқарды. 2000 жылы Қаржы вице-министрі болды.
2001 жылғы мамырдан 2002 жылғы наурызға дейін Қазақстан Даму Банкі директорлар кеңесінің төрағасы қызметін атқарды. Сондай-ақ 2001 жылғы қарашада Табиғи монополияларды реттеу, бәсекелестікті қорғау және шағын бизнесті қолдау агенттігінің төрағасы болып тағайындалды.
2003 жылғы маусымда Қаржы министрі, ал 2004 жылғы сәуірде Денсаулық сақтау министрі қызметіне кірісті.
2025 жылғы қыркүйекте Президент Әкімшілігі Басшысының орынбасары болып тағайындалған болатын. Бұған дейін, сол жылдың мамыр айында Алматы қаласының әкімі қызметінен кеткен еді.