Қазақстанда республикалық маңызы бар тағы бір жол ақылы жүйеге көшеді. Бұл туралы Көлік министрлігінің 2025 жылғы 29 сәуірдегі бұйрығында айтылған.
Атап айтқанда, Қандыағаш–Мақат бағытындағы автожолдың 100-ші шақырымынан бастап 480,525 шақырымына дейінгі аралықта қозғалыс ақылы негізде жүзеге асады. Жолдың жалпы ұзындығы – 380 шақырым 525 метр. Қозғалыс жолақтарының саны – екі бағытта бір жолақтан.
Жол жүру тарифтері (АЕК есебімен):
-
16 орындық автобустар және 2,5 т-ға дейінгі жүк көліктері – 2610 теңге (кейін төлем), 2220 теңге (алдын ала).
-
32 орындық автобустар мен 5,5 т-ға дейінгі көліктер – 5290 теңге / 4500 теңге.
-
10 т-ға дейінгі автопоездар – 7930 теңге / 6740 теңге.
-
10–15 т жүк көліктері – 10 580 теңге / 8990 теңге.
-
15 т-дан жоғары жүк көліктері мен тіркемелі тракторлар – 13 220 теңге / 11 240 теңге.
Сондай-ақ, айлық және жылдық абоненттік төлем жүйесі қарастырылған: айына 1–5 АЕК, жылына 12–60 АЕК аралығында.
Аталған учаскеге балама бағыт ретінде Қандыағаш – Ақтөбе – Орал – Атырау – Мақат жолы ұсынылған.
Баламалы жолы жоқ іргелес елді мекендер: Қалмақ-Қырған, Шұбарқұдық, Қарауылкелді, Сағыз, Мұқыр, Жантерек, Жамансор және басқа ауылдар.
Еске сала кетейік, бұған дейін 13 мамырдан бастап Шу–Бұрыбайтал жол бөлігі де ақылы жүйеге өткен болатын.