Қазақстан шалғай ауылдарға интернет тарту үшін 46 млрд теңге қарыз алады
Қазақстан Халықаралық қайта құру және даму банкінен (ХҚДБ) шамамен 46 миллиард теңге көлемінде қарыз алады. Бұл қаражат шалғай және байланысы нашар ауылдарды кеңжолақты интернетпен қамтуға бағытталады.
Қарыз туралы келісім 2023 жылдың желтоқсанында Қазақстан мен ХҚДБ арасында жасалған. Мәжіліс депутаты Нұртай Сабильяновтың айтуынша, қарыз көлемі — 13 миллиард жапон иеніне тең (шамамен 46 млрд теңге). Қарыз мерзімі — 12 жыл.
Жоба мақсаты — ауыл тұрғындарын сапалы және тұрақты байланыспен қамтамасыз ету.