Ішкі істер министрлігі әскери бөлімдерге жасанды интеллект (ЖИ) жүйесін енгізуді бастағанын хабарлады. Бұл жүйе сарбаздардың көңіл-күйі мен мінез-құлқындағы өзгерістерді бақылауға арналған. Ұлттық ұланның мәліметінше, қазіргі таңда ЖИ жүйесі 5573 әскери бөлімде сынақтан өткізілуде.
Әскери бөлімдерге орнатылатын заманауи бейнебақылау жүйесі ЖИ жүйесімен интеграцияланған. Оның басты ерекшелігі – сарбаздардың күнделікті жүріс-тұрысын, мінез-құлқын және эмоциялық жағдайын талдауында. Жүйе тек бейнені тіркеп қана қоймай, мінез-құлықтағы күмәнді белгілерді анықтап, сараптама жасайды.
Егер сарбаздардың әрекетінен агрессия немесе басқа алаңдататын мінез-құлық белгілері байқалса, ЖИ жүйесі бөлім командирлеріне, тәрбиешілерге және психологтарға мессенджер арқылы сигнал жібереді. Бұл дер кезінде әрекет етуге мүмкіндік береді, – деді Ұлттық ұланның ресми өкілі Әлібек Абділов.
Сонымен қатар бейнематериалдар арнайы платформада сақталады. Жүйе тиімділігін дәлелдесе, оны басқа әскери бөлімдерге де енгізу жоспарланып отыр.