Астанада «BaiQymyz» фестивалі өтеді: ең үздік қымыз үшін 45 миллион теңге сыйақы беріледі
Шілде айында Астанада қымыз өндірушілер мен жылқы шаруашылығымен айналысатын фермерлер бас қосатын ауқымды «BaiQymyz» фестивалі өтеді. Бұл шарада «Ең үздік қымыз» атағы үшін еліміздің түкпір-түкпірінен келген қатысушылар бақ сынайды. Жеңімпазға 45 миллион теңге көлемінде сыйақы беріледі.
Фестиваль қарсаңында елордада Қымызмұрындық мерекесі аталып өтті. Бұл — қазақ халқының алғашқы қымыз ішуге арналған көне дәстүрі. Мерекелік шара Астана тұрғындары мен қонақтарына ұлттық сусынды насихаттау мақсатында ұйымдастырылды.
Жобаның негізгі мақсаты – отандық қымыз өндірушілерге қолдау көрсету, ұлттық сусынды қазіргі заманғы дастарханға қайта енгізу және оның денсаулыққа пайдалы қасиеттерін кеңінен таныту.