Маусым айынан бастап Алматы қаласы ресми түрде Түркі мемлекеттері ұйымының жастар астанасы мәртебесіне ие болады. Бұл туралы Президент Қасым-Жомарт Тоқаев мәлімдеді.
Мемлекет басшысы бұл бастаманы түркі елдері арасындағы достық пен ынтымақтастықты нығайтуға бағытталған маңызды қадам деп атап өтті.
– Қазақстан түркі мемлекеттерімен байланысын тереңдету мақсатында бірқатар шаралар қабылдап жатыр. Мысалы, Түркі мемлекеттері ұйымының жанындағы Қазақстанның Тұрақты өкілі тағайындалды. Жақын арада ұйым жанынан Тұрақты өкілдік ашу жоспарда бар, – деді Президент.
Сонымен қатар, Тоқаев келесі бастамаларға да назар аударды:
-
11–12 маусымда Астанада Түркі мемлекеттері Парламенттік Ассамблеясының XIV пленарлық отырысы өтеді;
-
Ақтау қаласы 2025 жылы Түркі әлемінің мәдени астанасы болып жарияланды;
-
Қазақстанның бастамасымен Орталық сайлау органдарының консультативтік платформасы құрылып, алғашқы отырысы Түркістанда өтті.
– Алматының жастар астанасы мәртебесін иеленуі – түркі бірлігін нығайту жолындағы маңызды қадам, – деді Қасым-Жомарт Тоқаев.