Мемлекет басшысының Жарлығымен Болат Оралұлы Ақшолақов Атырау облысының әкімі болып тағайындалды. Ол бұл қызметте Серік Шәпкеновтің орнын басты.
Болат Ақшолақовтың еңбек жолы:
- 1994–1995 жылдары – Alem Bank Kazakhstan банкінде экономист, бас экономист;
- 1995–1997 жылдары – Орталық Азия ынтымақтастық және даму банкінде бөлім бастығы, департамент директоры;
- 1997–2001 жылдары – «Қазақойл» ҰМК» ЖАҚ-да аға сарапшы, менеджер, бас менеджер, департамент директорының орынбасары;
- 2001–2003 жылдары – Commonwealth and British Services Ltd компаниясында бизнес-талдаушы, менеджер, қаржы директоры;
- 2003–2006 жылдары – «ҚазМұнайГаз» ҰМК» ЖАҚ-да бірлескен кәсіпорындардағы үлестерді басқару жөніндегі атқарушы директор;
- 2006–2008 жылдары – Энергетика және минералдық ресурстар вице-министрі;
- 2009–2010 жылдары – «Самұрық-Қазына» ұлттық әл-ауқат қоры» АҚ-ның электр энергетикасы және мұнай-газ активтерін басқару жөніндегі басқарушы директоры;
- 2010–2011 жылдары – «PSA» ЖШС бас директоры;
- 2011 жылы – «ҚазМұнайГаз» ұлттық компаниясы» АҚ президенті;
- 2012–2014 жылдары – Мұнай және газ вице-министрі;
- 2014–2017 жылдары – «Almex Petrochemical» ЖШС бас директоры;
- 2016–2017 жылдары – «KAZENERGY» Қазақстан мұнай-газ және энергетика кешені ұйымдары қауымдастығының бас директоры;
- 2017–2019 жылдары – Энергетика вице-министрі;
- 2019–2021 жылдары – «KAZENERGY» қауымдастығының бас директоры;
- 2019–2021 жылдары – «Almex Petrochemical» ЖШС бас директоры;
- 2021 жылғы сәуір – 2022 жылғы 10 қаңтар аралығы – «Самұрық-Қазына» АҚ-ның активтерді басқару жөніндегі басқарушы директоры;
- 2022 жылы – Энергетика министрі;
- 2023 жылы – Қазақстан Республикасы Президентінің кеңесшісі.
Еске салайық, бұған дейін Атырау облысының әкімі қызметін Серік Шәпкенов атқарған болатын.