«Қазақстан» республикалық телерадиокорпорациясының Басқарма төрағасы болып Ернұр Бурахан тағайындалды.
Ернұр Көшерханұлы Бурахан 1981 жылы 16 маусымда Шығыс Қазақстан облысында дүниеге келген. Журналистика саласында 20 жылдан астам еңбек өтілі бар. Әр жылдары «Qazaqstan» телеарнасында тілші, тележүргізуші, «Қазақстан» телерадиокорпорациясының Ақтөбе облыстық филиалының директоры, сондай-ақ «Қазақ радиолары» ЖШС директоры қызметін атқарды. Соңғы екі жылда Шығыс Қазақстан облысы Ішкі саясат басқармасын басқарды.
Ал Корпорацияны алты жылдан астам уақыт басқарып келген белгілі медиаменеджер Ләззат Танысбай өз өтінішімен қызметінен кетті. Ол бүгіннен бастап «Евразия» бірінші арнасының басшысы болып тағайындалды.