Қазақстан 1 шілдеден бастап жаңа Конституциямен өмір сүре бастады. Конституцияға жетінші рет өзгерістер енгізіліп, бұл жолы Негізгі заңның шамамен 84%-ы жаңартылды.
Негізгі өзгерістер:
- Бір палаталы Парламенттің орнына 145 депутаттан тұратын Құрылтай құрылады.
- Вице-президент лауазымы қайта енгізіледі.
- Президенттің 7 жылдық бір реттік өкілет мерзімі сақталады, кандидаттарға қойылатын талаптар күшейеді.
- Шетелдік мемлекеттерге, компанияларға және азаматтығы жоқ адамдарға саяси партиялар мен кәсіподақтарды қаржыландыруға тыйым салынады.
- Халықаралық шарттарды қолдану тәртібі енді ұлттық заңнамамен реттеледі.
- Қос азаматтыққа толық тыйым бекітіліп, өзге елдің азаматтығын алған адам Қазақстан азаматтығынан айырылады.
- Діннің мемлекеттен бөлінгені нақты жазылып, діни ұйымдардың қызметін заңмен шектеу негіздері кеңейтіледі.
- Меншік иелеріне қоғам мүддесін, қоршаған ортаны және өзге азаматтардың құқықтарын сақтау міндеті жүктеледі.
- Азаматтардың цифрлық деректері мен электрондық хат-хабарларының құпиялығы конституциялық деңгейде қорғалады.
- Сөз бостандығына кепілдік сақталады, бірақ ұлттық қауіпсіздікке, қоғамдық тәртіпке және адам қадір-қасиетіне зиян келтіретін насихатқа қатысты шектеулер кеңейтіледі.
- Ұсталған адамға оның не себепті ұсталғаны және қандай құқықтарға ие екені бірден түсіндіріледі.
- Неке ер мен әйелдің ерікті әрі тең құқықты одағы ретінде нақты айқындалады.
- Конституцияда медициналық көмек пен білімге қатысты «тегін» сөзі алынып тасталып, бұл қызметтердің мемлекет есебінен төленетіні нақтыланады.
- Азаматтарға табиғатты қорғау және табиғи ресурстарға ұқыпты қарау міндеті жүктеледі.
- Бейбіт жиналыстарға қатысты шектеу қою негіздері кеңейтіліп, шерулер мен пикеттер туралы норма алынып тасталады.
-
Президенттің жоғары мемлекеттік лауазымдарға тағайындау өкілеттігі кеңейтіледі, ал Құрылтай Үкімет қызметін бақылап, заң шығару қызметін жүзеге асырады.