1 қыркүйектен бастап Қазақстанда әкімшілік жазаның жаңа түрі – қоғамдық жұмыстар енгізіледі.
Бұл өзгерістер Әкімшілік құқық бұзушылық туралы кодекстің 9 бабына сәйкес күшіне енеді. Енді кейбір құқық бұзушылықтар үшін айыппұл немесе қамақ орнына қоғамдық жұмыстар тағайындалуы мүмкін. Мұндай шара келесі құқық бұзушылықтарға қатысты қолданылады:
-
Отбасындағы құқыққа қарсы әрекеттер (73-бап);
-
Ұсақ бұзақылық (434-бап);
-
Қоғамдық орындарды ластау (434-2-бап);
-
Әдейі жалған түрде шұғыл қызметтерді шақыру (438-бап, 2-бөлік);
-
Қоғамдық орындарда ішімдік ішу және мас күйінде жүру (440-бап, 3-бөлік);
-
Полиция қызметкерлерінің заңды талаптарына бағынбау (443-бап, 2-бөлік);
-
Қоғамдық орындарда тиісу (449-бап, 2-бөлік);
-
Арнайы көлікке жол бермеу (598-бап, 2-бөлік);
-
Жаяу жүргіншілердің жол жүру ережелерін жүйелі түрде бұзу (615-бап, 4-бөлік).
Қоғамдық жұмыстардың орындалуын жергілікті атқарушы органдар бақылайды. Ал олардан жалтарғандар Әкімшілік кодекстің 669-бабына сәйкес қосымша жауапкершілікке тартылатын болады.
Билік өкілдерінің айтуынша, бұл жаңашылдық құқық бұзушылықтардың алдын алуға, азаматтардың тәртіп деңгейін арттыруға және қоғамдық тәртіп пен экологияға деген жауапкершілікті қалыптастыруға бағытталған.