Қазақстандағы Құрылтай депутаттарын сайлаудың exit-poll нәтижелері жарияланды. Алғашқы сауалнама қорытындысына сәйкес, бес саяси партия 5 пайыздық межеден өтіп, Құрылтайға өтуі мүмкін. Бұл туралы «Кешенді әлеуметтік зерттеулер институты – Астана» хабарлады.
Құрылтай депутаттарын сайлау бойынша жүргізілген exit-poll нәтижелері мынадай:
- «Әділет» партиясы — 71,80%;
- «Ауыл» халықтық-демократиялық патриоттық партиясы — 6,40%;
- Respublica — 5,40%;
- Жалпыұлттық социал-демократиялық партия (ЖСДП) — 5,20%;
- Қазақстанның «Ақ жол» демократиялық партиясы — 5,10%;
- Қазақстан халық партиясы (ҚХП) — 3%;
- «Барлығына қарсымын» — 2,10%;
- «Байтақ» Қазақстанның жасылдар партиясы — 1%.
Осы нәтижеге сәйкес, «Әділет», «Ауыл», Respublica, ЖСДП және «Ақ жол» партиялары Құрылтайға өтуі мүмкін.
Сонымен қатар, Қоғамдық саясат институты ұсынған exit-poll нәтижесінде де «Әділет» партиясы айқын басымдықпен көш бастап тұр.
Ал «СОЦИС-А» жүргізген exit-poll қорытындысы бойынша:
- «Әділет» партиясы — 70,7%;
- «Ауыл» партиясы — 6,4%;
- Respublica — 5,5%;
- «Ақ жол» — 5,4%;
- Жалпыұлттық социал-демократиялық партия (ОСДП) — 5,0%;
- Қазақстан халық партиясы — 3,2%;
- «Байтақ» жасылдар партиясы — 1,2%;
- «Барлығына қарсымын» — 2,7%.
Қолданыстағы талапқа сәйкес, партияның Құрылтайға өтуі үшін сайлаушылардың жалпы санының кемінде 5 пайызының дауысын жинауы қажет.
Айта кетейік, exit-poll нәтижелері алдын ала мәлімет болып саналады. Сайлаудың нақты алдын ала және түпкілікті қорытындысын кейін Қазақстанның Орталық сайлау комиссиясы жариялайды. Соңғы нәтижелер 30 тамызға дейін белгілі болады.