Туризм және спорт министрі Ербол Мырзабосынов үкімет отырысында еліміздегі жаңа стадиондар құрылысының барысы туралы баяндады.
Министрдің айтуынша, Алматыда жаңа стадион салу жоспарланып отыр.
– «Жеті қалада жеті стадион салуға жобалық-сметалық құжаттама дайындалды. Қызылордада УЕФА стандарты бойынша үшінші санатқа сәйкес келетін стадион осы күзде пайдалануға беріледі. Мемлекет басшысының тапсырмасымен стадиондар құрылысы басталып кетті», – деді ол.
Сонымен қатар, министр стадиондардың мемлекетке түсетін түпкілікті құны жобалау жұмыстары аяқталғаннан кейін белгілі болатынын атап өтті.
– «Мемлекет басшысы шетелдегі жеке клубтардың тәжірибесін мысалға келтіріп, стадиондарды мемлекеттік қаржы есебінен емес, өзге тетіктер арқылы қаржыландыру міндетін қойды», – деді Мырзабосынов.
Айта кетейік, бұған дейін «Қайрат» пен «Реал Мадрид» арасындағы жолдастық кездесуді кімнің жүргізетіні белгілі болған еді.