Денсаулық сақтау министрінің орынбасары Тимур Мұратов Үкімет отырысында кейбір тегін берілетін дәрілерді Қазақстан аумағында тіркеудің уақытша тоқтатылғанын хабарлады.
— Дәрілік заттар мен медициналық бұйымдардың сапасы мен қауіпсіздігін бақылау мақсатында елімізде 2 зертхана жұмыс істейді. Биыл 1 723 дәрілік зат пен медициналық бұйымға жүргізілген сараптама нәтижесінде 43 препаратта сәйкессіздік анықталып, олар нарықтан алынды, — деді ол.
Министрлік халыққа тегін берілетін 3 500 дәрінің тиімділігі мен қолдану тәуекелдерін бағалап, олардың 20%-ында сәйкессіздік табылғанын атап өтті.
— Осыған байланысты өндірушілер тіркеу құжаттарына өзгерістер енгізуі тиіс, ал күрделі жағдайларда препараттың тіркелуі уақытша тоқтатылады, — деді Тимур Мұратов.