Медициналық және фармацевтикалық бақылау комитеті 7 мамыр күні сыбайлас жемқорлық тәуекелдеріне тексеру жүргізеді. Қазақстан азаматтары сыбайлас жемқорлыққа қатысты күдіктері туралы анонимді түрде хабарлай алады. Ол үшін шағымдарды a.ismukhametov@dsm.gov.kz электрондық поштасына жолдау қажет.
«Сыбайлас жемқорлық тәуекелдері мен әкімшілік кедергілер туралы ақпаратты, сондай-ақ аталған саланы жетілдіруге қатысты ұсыныстарыңызды жіберулеріңізді сұраймыз. Құпиялылық толық сақталады», – делінген мәлімдемеде.
Жиналған ақпарат сыбайлас жемқорлық тәуекелдерін жоюға бағытталған ұсыныстар әзірлеу үшін пайдаланылатын болады.