Қазақстан Президенті Қасым-Жомарт Тоқаев ресми сапармен Америка Құрама Штаттарының астанасы – Вашингтон қаласына барды.
Әуежайда Мемлекет басшысын АҚШ Мемлекеттік хатшысының бірінші орынбасары Кристофер Ландау қарсы алды. Сондай-ақ Президентті АҚШ-та білім алып жүрген қазақ студенттері де күтіп алды.
Қасым-Жомарт Тоқаев отандастарымен аз-кем әңгімелесіп, олардың оқуында және болашақ қызметінде табыс тіледі.
Ертең Мемлекет басшысы АҚШ Президенті Дональд Трамппен келіссөз жүргізіп, «Орталық Азия – АҚШ» саммитіне қатысады деп жоспарлануда.